सुदिप अर्याल द्धारा रचित गजल ‘थोत्रो जहाज नकिन्नुमै देशको हित छ हेर’

हे भगवान् कालको यस्तै रित छ हेर
मरेको समाचार लेखेरै ऊ जीवित छ हेर

न कसैले मारेको हो न आफैं मरेको हो
यहाँ बोल्न भन्दा नबोल्न उचित छ हेर

एक्कासी लड्यो साथी टुलुटुलु हेरिरह्यो
अब मैले भन्नुपर्छ डरको अघि जीत छ हेर

भुइमान्छे बन्छु बरु गोरेटो बाटो हिड्छु
थोत्रो जहाज नकिन्नुमै देशको हित छ हेर

कसैले साथ नदिएनी टुप्लुक्क ऊ आउँछ नै
मृत्युमात्रै सबैभन्दा नजिकैको मित छ हेर