दाङको लमही नगरपालिका–७ हसनापुरस्थित राप्ती नदीमा फसेका दुई जनाको सशस्त्र प्रहरीले शनिबार सकुशल उद्धार गरेको छ । दुध बिक्री गरी घर फर्कदै गरेका ४८ वर्षीय तुलाराम यादव र ४० वर्षीय दयाराम यादव सो नदीको दोभान फसेका थिए । उनीहरुको सशस्त्र प्रहरी बल नेपाल नं ४१ रिजर्भ गण कपिलवस्तुबाट खटिएको सुरक्षा फौजले उद्धार गरेको सशस्त्र प्रहरीका डीएसपी तथा सहप्रवक्ता शैलेन्द्र थापाले जानकारी दिएका छन् ।

त्यसैगरी दाङकै राजपुर गाउँपालिका–२ बेलास्थित राप्ती नदीमा बेपत्ता भएका १८ वर्षीय राजकुमार यादवको खोजीकार्य भइरहेको थापाले बताए । उलाई पनि दुध बिक्री गरी घर फर्कने क्रममा शनिबार बिहान सो नदीले बगाएको बताइएको छ ।

त्यस्तै दाङकै लमही नगरपालिका–६ कुलमोहरस्थित अर्जुन खोलाको किनारामा फसेका ३३ वर्षीय गोरे क्षेत्रीको सकुशल उद्धार गरिएको डीएसपी थापाले जानकारी दिए ।