काठमाडौं । जाजरकोट केन्द्रविन्दु बनाएर शुक्रबार मध्यराति गएको शक्तिशाली भूकम्पले जाजरकोट र रुकुम पश्चिमा ठूलो जनधनको क्षति गरेको छ ।

१५७ जनाको मृत्यु भएको छ भने ३ सयभन्दा धेरै घाइते भएका छन् । जाजरकोट र रुकुम पश्चिममा सयौँ घरहरू भत्किएका छन् ।

शनिबार राति धेरैजसो प्रभावितहरू खुला आकाशमा बस्न बाध्य बनेका छन् । केही स्थानमा पालहरू टाँगिएको छ ।

नेपाल प्रहरीले जाजरकोटमा केही अस्थायी आवास बनाएको छ । नेपाल प्रहरीका डीआईजी भीमप्रसाद ढकालले जाजरकोटमा प्रहरीले अस्थायी आवास निर्माण गरेको जानकारी दिएका छन् ।