काठमाडौं । सत्तारुढ नेकपा एमालेका वरिष्ठ उपाध्यक्ष ईश्वर पोखरेलले मुलुकको सामाजिक सद्भाव खलबलिए देश नै नरहने खतरा रहेको बताउनु भएको छ ।

एमाले मधेश प्रदेश सम्पर्क कमिटीले शनिबार एमाले मुख्यालय च्यासलमा आयोजना गरेको होली मिलन कार्यक्रमका बोल्दै पोखरेलले यस्तो बताउनु भएको हो । त्यस्तै उहाँले अहिले पनि मुलुकमा मिलेर बसेको समाज र सामाजिक सद्भावमा आगो लगाउने तत्व रहेको भन्दै सजक हुनुपर्ने बताउनु भयो ।

एउटा जाति, धर्मको विरुद्ध अर्को जाति, धर्मलाई उक्साउनेविरुद्ध एकताबद्ध भएर खबरदारी गर्नुपर्ने उहाँको भनाइ छ । उहाँले होली पर्वको सांस्कृतिक र सामाजिक महत्व धेरै भएकाले सामाजिक सद्भाव र भाइचारा कायम गरि मनाउनु पर्ने बताउनुभयो ।